Pages
6
{Donstan} As he lay anoþer tyme in his reste anyȝt He seȝ þe ioye of heuene ⁊ þe place þerinne wel briȝt Angles he hurde also singe a murie song þer inne Þat me singeþ ȝut in holi churche whan me doþ þe masse singe Kirieleysson . christeleyson was þe murie note ⁊ song Þis holi man þat þis ihurde ne þoȝte hit him noȝt longe ¶ Wel auȝte he to heuene come after his ende day Whan he þe while he was alyue so moche of heuene isay Harpe he louede suyþe wel þeren he couþe ynouȝ A day he sat in solaȝ ⁊ a lay þeron drouȝ ¶ Þe harpe he heng bi þe wowe þo hit was tyme to ete Þo hit was ȝare þerto ibrouȝt he sat adoun at his mete Of heuene he gan þenche sone of þe ioye þat was þere Of þe ioyfulle blisse þat þer was of halewen þat þer were He sat as he were ynome so moche þeron he þoȝte His harpe he heng bi þe wowe of wham he licte roȝte Bigan to cuþe his holi þoȝt ded treo þeȝ hi were ¶ As oure louerdes wille was as hi hurde alle þat þer were þere Al bi him silue he gan to harpe amurie steuene iwis Þat me singeþ ȝut in holi churche þat an englisch is þis Alle halewene soule glade beoþ þat in heuene beoþ ido Þat suyeþ oure louerdes way ⁊ for him schadde also Here blod for his suete loue þerfore hi schulle wone ⁊ kynges beo bouten ende wiþ crist godes sone Þis anteyn þat murie is þat folc ihurde alle Hou þe harpe song albi him silf þer he hong bi þe walle Fair grace oure louerd him schowede þere whan þe dede treo So schulde singe of þulke ioye þat he scholde inne beo Louerd ihered beo þi grace ⁊ þi miȝte also Þat þu woldest her alyue for him such miracle do ¶ Þo þis holi man hadde ylyued an vrþe meni adai ⁊ his endedai was neȝ icome as he him silue isai A holi þursday he worþ sik as hit ful in þe ȝere He let offende his freond þat specials to him were His men þat him seruede ek he let hem clipie also ⁊ for ȝaf hem al here trespas þat hi him hadde misdo ⁊ assoillede hem of here sinne ⁊ in godes bendes lay And so he lay al þulke tyme ⁊ also þane friday {[bottom marginalia:]si thos ??} {[left side marginalia in late hand unreadable]}
Folio 54r
{Aldelm} He let clipie þe Saterday þe freres bifore him alle ⁊ bed alle godneday ⁊ seide hem what scholde bifalle And let him do alle his riȝtes ⁊ oure louerdes flesch nom ¶ His soule wende out of þe wordle ⁊ sone to heuene com Neoȝe hondred ȝer ⁊ fourscore inn þe eiȝtetteþe ȝere He deide after þat oure leuedi oure louerde an vrþe bere Nou suete louerd seint Dunstan þat oure archebischop were Bring ous to þe ioye of heuene as angles þi soule bere {[right margin: in later hand] In edibus Richardi Tottell J. Sanford Jo .....}
7
þis messagers þoȝte scorn of him ; as gernigs wollþ wylde ⁊ ȝeue him hoker ansuere ; for he þoȝte hem pore ⁊ mylde Here schip into þe see wende ; in gret tempest anon So þat hi were vpe þe peroynte ; forte drenche echon ¶ Gret wreche is þis [con]aþ?? on of hem as we mowe vnderstonde We misansuerede þe gode man ; þat spac wiþ ous alonde For he is holi man ⁊ god ; ⁊ grete cangeornis we beoþ Bidde we him anon forȝeuenisse ; þe while we him iseoþ ¶ Hi ?de anon to seint Aldelm ; in god entente ynouȝ þe tempest was stille anon ; here schip to londe drouȝ Abot þat ine clipeþ þe bible ; þat is of aierþ lawe Be oþe of þe olde ⁊ of þe nue ; sein Aldelm hibere falke Nomore hi nolde misansuerie him ; hem þoȝte ynouȝ er þe bible is ȝut at malinesbury ; ⁊ euerest haþ ibeo þer ¶ Seint Aldelm was bischop sippe ; þreo ȝer before his deþe ⁊ þe bischop briȝt wold ; perto him brouȝte vneþe Ac Albot at malmesbury ; napeles he was ⁊ let him sippe burie þer ; þo þat he ded was ¶So þat þe bischop of wircetre ; seint Edwyne þo com Al yn??e?d toward Rome ; ⁊ þane wey perforþ nom ⁊ seint Aldelm at malmesbury ; faire an vrþe brouȝte And sippe wende forþ to Rome ; ⁊ deore þane wey abouȝte At þo seint Aldelm bischop was ; he amansede alle þo þat þe bons of malmesbury ; mid vnriȝt dude wo To bynyme hem eni priuilege ; þat he hem wan at Rome Ich rede þat King ⁊ bischop ; þerof take gome Non bidde we ȝurne seint Aldelm ; oure erand bere so þat we mote to þe ioye come ; þat he was on ido Amen .