4

bar
¶ Seint Austin wende þo aȝe ; ⁊ þo he þider com
Tuelf bischopes he makede in Engelond : to wardi c^ristendom
⁊ þe þreotteoþe he was himsilf . as god ȝaf þa^t cas
Archebischop at Dover ; þe furste þa^t ever was
¶ Seint Austin brouȝte þus c^ristendom . into Engelonde
Wel auȝte we his day holde . if we wer wel understonde
His dai is toward þan ende of may ; for þane day be wende
Out of þisse lyve to ihesu christ ; þhat after him þo sende
þe king Ailbriȝt deide þo . six hondred ȝet riȝt
⁊ viftene after þat our lourd ; in his moder was ahȝt
⁊ on ⁊ tuenti ȝer also ; after his c^ristendom
And in þe six ⁊ vifti ȝer ; of his kynedom
Non bidde we ȝurne Seint Austin ; þat to c^ristendom ous brouȝte
þat we to þe ioye come ; to whan oure lourd ous bouȝte
¶Seint barnabe þapostle ; þat god was ⁊ hende
Imartired was for godes love ; in stonge? deþe attan ende
After þat oure suete lourd ; to hevene him gan wende
þapostles prechede c^ristendom ; as he hem gan sende
Seint barnabe iseȝ þo ; þat his bileve uas noȝt
He turnde sone to þapostles ; ⁊ to oure lourdes þoȝt
¶ Of lond he hadde gret feld ; he solde hit wel faste
And to þapostles fet : þe pans? echone caste
⁊ forsot alþe wordles god : ⁊ her felawe bicom
⁊ ymartired wiþ hem was : for love of c^ristendom
siþþe þo Seint poul : to þapostles wende
þapostles ne lovede him noȝt : þat our lourd to hem sende
⁊ wende þat he gylour[?] wer : forte hit was longe
For he hadde ibeo so liþ.? man : er hi þerste him asonge
Seint barnabe iknew him furst : so þa^t he furst brorȝte
þapostles in riȝte siþþe ? of him ⁊ in riȝte þoȝte
⁊ tolde honour suete lourd : bi þe wei to him com
⁊ smot him ⁊ bynom [?] his siȝt : ⁊ broȝte him to c^ristendom
siþþe þo f^ram ierusalem . þapostles gonne wende
Forto prechi c^ristendom : everech in his ende
hi gonne to þe lond of Cipre : Seint barnabe sende
forto prechi godes lawe : þat god was ⁊ hende
As he wende forþ in þe lond : in astede he fond
A campaignye of queynte men : þe wisest in þe lond