Pages
1
Seint Austin þe prechour Seint Austin þat cristendom brouȝt in to in gelonde riȝt is amon oþer ywis þat he be ondrestonde seint Gregory þe holymon þat pope was of rome ingelond he loued moche þey he neuer þer on ne come men told hym þat þe lond was gode ⁊ þat hit heþen þo was wel sory was seint gregorye þat hit y cristened nas hym sulf he wolde habbe i went her in to ingelonde ac he ne most for his cardenales ac scholde sende his sonde ¶ Þo on ⁊ fourty godemen seint austin with hym he nom ⁊ sente hem her in to ingelonde to prechen cristendom Þat echon monkes were seint austin ⁊ ek þe oþer ⁊ þis holymen wente forþ as þey weren alle breþer forþ ech wente in his way by lore of seint austin ⁊ brouȝte men in good byleue ⁊ ek to good fyn ¶ after þat god was I bore fyue hondred ȝer it was ⁊ four score ⁊ iiij to ȝer þat hy dede þis cas Þey dradde hem sore for þey no couþe þe speche of ingelonde Þey nome men þat couþe boþe þe langages vndirstonde Þey dede hem forþ in þe se þo hy þedir come toward þe haven of ingelonde þe ryȝt wey hy nome to an ile by est kent here chip gan even wende Þat tenet lond is y cleped as oure lord hem wolde sende
2
3
XXI Here ded sprong so wide sone Þat to Þe kyng hit com Þe fayre merakle Þat god hem sended Þo hy preched cristindom ¶ Þe kynge wente ⁊ herde here preching hym ÞouȜt hit was wel gode To longe he seyde ich abbe abede ar ich Þis ondirstode He torned hym to cristindom and let hym baptyze anon ⁊ hy leved on ihesu crist ⁊ his men euerychon So longe Þat Þis holymen here wille hadde at Þen ende Þat Þe folk of euerytoun to cristindom gan wende seint Austin wente aȜen Þo Þe pope he tolde at rome hou alle Þe folk of ingelonde to cristindom come ¶ Þo was Þe pope gregory I brouȜt in gret blisse He let seint austin wende aȜen Þe londe bet to wisse seint austin wente anon aȜen ⁊ Þo he Þedir com twelue bysschopes he made in Þis londe to wardy cristindom & Þe ÞrittenÞe he was hym self as oure lord Ȝaf Þat cas Erchebysschop he was at douere Þe furste Þat euir was ¶ Seint austin brouȜt cristindom Þus into ingelonde wel auȜte we his day holde if we were wel ondirstonde His day is toward Þe ende of may for Þata ilke day he wende out of Þis lyf to ihesu cryst Þat after hym Þo sende ¶ Þe kyng alberd deyde Þo syx hondred Ȝer wel ryȜt ⁊ and syxtene after Þat oure lord in his modir was alyȜt ⁊ one and twenity Ȝer also after his cristindom ⁊ in Þe syx ⁊ fyftyÞe Ȝer of his kingdom ⁊ wente to Þe ioye of heuene Þat seint austin hem be het ⁊ in Þis maner alberd Þe gode kyng Þus his lyf he let ¶ Now bidde we Ȝerne seint austin Þat to cristindome vs brouȜt Þat he preye for vs to ihesu crist Þat vs dere abouȜt ⁊ graunt vs Þat we mote after oure endyng day com to Þe ioye of heuene Þat lasteÞ euere ⁊ ay. Amen