Magnetismus Medicinalium p. 700

ad conservationem defensionemque suam contra alia animalia, tum
{Animalibus veneno[si]s attractio veneni naturalis.}
ad terram aëremque purificandum indiderit; illis videtur veneni at-
tractio plane naturalis, & sine qua viuere non possint. Hinc serpentes
naturali quodam appetitu, quicquid in terra venenosum, contagio-
sum, putridum hominibusque noxium, id nimirum ex quo sunt, suum
veluti nutrimentum exsugentes, in se tanquam naturalem veneni
bursam attractum, substantiæ quadam affinitate, non secus ac homo
alimentum suum, deriuant. Quod hoc experimento comperies; si e-
nim serpentem veneno spoliatum terræ venenosa qualitate imbutæ
exiguo tempore immiseris, eum qui omni prius veneno carebat, to-
tum ex novo veneno attracto virulentum reperies; hac ratione igi-
tur Viperæ terrestre, aquaticum Dypsades, Araneæ aërium virus du-
plici officio, dum nobis quod obest auferunt, & quod ipsis prodest,
{Magnetes venenorum terrestres, aërei, & aquei.}
attrahunt, non sine mirabili quadam Dei prouidentia in se derivant;
ita Erucæ, Papiliones, cæteraque insecta in plantis, fructibus, flori-
bus noxias qualitates in se quoque derivant; ita denique omnia amu-
leta, prophylactica & antidota venena trahere solent. Naturale igitur
est animantibus veneniferis, venenum substantiæ quadam cognatio-
ne tanquam sibi simile, amicum & commodum nutrimentum attra-
here? Ita Bufo, seu Rubeta Sole exsiccata tuberibus applicata pestifer-
is, infectum peste liberare frequenti usu compertum est; trahente vi-
delicet corpore rubetæ humorem hominis contagiosum tanquam
sibi appropriatum & conuenientem, quem ipsa natura veluti noxium
& lethiferum à se expellere nititur. Sicut enim ex putrefacto humore
cadaueris sæpè huiusmodi animalia nata in sepulcris inueniuntur,
ita id ex quo sunt, naturaliter appetunt, contagiosum, & corruptum
in humano corpore. Ita caro viperina manducata viperæ, vti &
Scorpius scorpij morsum sanat. Cuius quidem rei alia ratio non est,
nisi attractio illa Magnetica, qua simile sibi simile appetit. Cum
enim quispiam à venenoso animali mordetur, virus mox intimas fi-
bras serpendo petet: si igitur Viperæ, quæ momorderat, carnes deuo-
randas patienti dederis, fit vt virus relicto peregrino & incompatabili
{Caro viperina sumpta quomodo operetur.}
subiecto, proprium ad quod naturali quodam appetitu fertur, car-
nem videlicet viperæ repetat, eique veluti naturali subiecto adhæ-
reat, toto membrorum exercitu in communem hostem conspirante,
indeque eum vna cum massa venenifera coniunctis viribus expel-
lente. Est igitur caro viperina sui tractiua veneni, & ideò in theriacæ
confectione omnium specierum hypostasis est; vt postea videbitur.
/Hac