m 1 (1b)

Adam was made in damascene feeld by the hand
of god. and put in a place of delites callyd para
dise. fro the which place come foure flodes. and
whan Adam was in aslepe: god made of aribbe
of hys side awo[m]man and brought hyr to adam.
and adam gafe hyr aname as he had do to al odir thynges.
and callid hyr eua. ¶ After bothe adam and eua ete of the
frute of [life: erased] that the lord had forbode ham. wherfore bothe na
ked: cuuered ham with fyge leues. But for the disobediens god
put ham bothe out of paradise. and sette cherubyn with a tran
chand bren[n]yng swerd to kepe it fro adam and eua. and or
deyned ham to gete har liuyng with laboure and swe
tyng of the erthe. that for the synne of adam was
acursed. ¶ Adam at fiftene yere old after hys
makyng gate Cayin. and at thertti yere gate
Abel. and whan he was two hundred and thret
ti yere old he gate Seth. An hundred yere he
wailed for Abel. the which moyses spake not of.
And whan he had lyved athowsand yere and
thretti he died.
After the greet flode that was in the
daies of Noe the foure principal
kyngdomes had har beginnyng. The assiri
ans in the est: where belus was first kyng.
The sichiomites in the west: where egealius
was first kyng. The scithes in the north: where
Ninus was first kyng. The egipcians in the southe:
where Mineus was first kyng. ¶ To belus kyng of
assyrie: succeded his wife Semiramis that ordeyned babilon
for the hed citi of the reume. ¶ To semiramis succeded
Ninus that was first maker of ydoles or maumettis. that
made an ymage of his fadyr belus. to the which ymage
if amysdoer rennyng askyd refute: he shuld haue it. After
sardanapallus had the same kyngdom. and after hym Arba
ces translated the same kyngdom to the medes and perses.
vpon whom regned after Astriages the which had adoughtir.
of which doughtir came Cirus kyng of perse. ¶ This
Cirus gate babilon by strength by the wei there as the ryuer
ran in. Vpon the same babilon regned after Cirus: and his
cosyn Darius as ye mai se in har place benethe.
This Enoch plesid god and was translatid in to para
dise. and lyueth with helia. and wrote aboke that
Judas the apostel broder to James the lasse spekit of. and
in his tyme su[m]me say that adam died.
Noe was charged of god to make ashippe in the
space of an hundred yere: and twenti yere. After
the shippe or the arke was made: it rayned fourti daies and
fourti nyghtes. ¶ God co[m]maunded Noe than of age sixe
hundred yere: and hys wife and har sones. Sem. Cham. and
Japhet. and har wyues. eight saules in al. to entre in to
the arke. And the greet flod was of height fiftene cubites
above the mountaynes. whan Noe had with hym of al be
estis and foules: he sent out aravon to se if the water
with drowe. and efte adowue two tymes. and at the se-
cunde tyme: she brought abranche of an olyue tre w[i]t[h] grene
leuys in hyr mouthe. than wist Noe the water was cessid.
and went out of the shippe and his peple with hym ayere
after that he entred in. the shippe restid on the mountaynes
of armenie. ¶ Noe whan he had offred on an auter
brent sacrifices: god gaf hym
leeue to ete fische and flesche:
but the blood of ony beest shuld
he not ete. ¶ He receyued
also [erased/blank] the rayne bowe:
that neuer so greet flood
shuld be after. And whan
he was an erth tilier:
he drank wyne of a
vyne that
he had
plaunted.
and lai
open
vnhelid
whan he was drunke. hys myddel son Cham
woldnot couere hym. but scorned hym. wher
fore Noe cursed chanaan. Cham is sone. and
made hym seruant and bond to Sem and
Japhet.

Upper left roundel:
Cham
Upper right roundel:
Japhet
Middle roundel:
Chus
Lower roundel:
Nemp
roth

On the right, a drawing of the ark, with the inscription:
This is the
fourme of
the arke
after
Austyn.

Within the ark:
Upper left:
Tame beestis.
Upper middle:
Men & birdes.
Upper right:
Wilde beestis
and noyous.
Middle left:
The place
for mete.
Middle right:
The defou
lyng place.
Bottom:
The place of filthe.