Image du Monde en vers

Faonner si a grant descroit Quans ongles ron son ventre lors Tant que le faon en est hors Mes james puis faon navra Quant ainsi desciree sa Une maniere de jument Ja qui concovient dunent En quapadone une contree Mes nest que .iii. ans leur duree Cele part sont li olifant Grants bestes fors et conbatant Qui sen leur moustre devant eus Sen sont plus ^fier et orgueilleus Par touz leus sosent bien enbatre Cil dynde et de perse souvent Car bien portent une tor grant De fust plaine de gent armee Et est desus son dos fermee Un boel ont par devant Dont il menjue. large et grant

Dont bien prent .i. home et deveure Et lengloutit en petit deure Les gens alixendre qui fu Rois et contes de grant vertu Qui sen ala par mainte terre Plus plus por cerchier et por enqu^erre Con cil qui conbatre se dut Qui les olifans ot en rut Et apris de conbatre aplain Et fere fist .i. vessel darain Si come .i. home plain defex Que il menaient devant eus Pour conbatre a cele gent Qui erent sus les olifans Et quant li olifant getoient Les boiax dont les gens tuoient Si sardoisent les musiax tuit Tant que il les orent siduit Quaprochier nosoient les homes Pour la sa semblance de leur formes

Si ira autres de grant renon Esmerudes qui la veue Conforte quant el nest seure Li es charboucle i est luisanz Par nuit coume charbon ardanz Si a safirs qui len fleure Ostent et diex qui a la cure Tospace qui a couleur dor Et rubiz qui mieuz vaut encor Si a autres pierres assez Qui en eus on assez bontez Mes qui savoir veut leur affere Si aille lire u bestiaire Qui dit leur nous et leur vertus Que ci nen dirons nous ja plus Des contrees dynde En ynde a maintes grans contrees de gens et de bestes pueplees Une ^/.perse ^/.en i a est ses nons Et tient .xxxiii. regyons

Dont lune persie est nomee Ou premierement fu trouvee Une art qui nigromance a non Qui lanemi tient en prison La croist une poiz si tres chaude Que la main du tenir eschaufe Et quant la lune vet croissant Et en son cours apeticant De cele poiz saident bien Cil qui sont nigromancien A pres est mesopotanie Ou iniven est establie Une cite de renomee Que .iii. jours a de lonc lalee Une tour a en ba^biloine Qui fu fete par grant essoine Dont li mur sont et fort et bel Et lapele on la tour babel Qui a de haut tout environ Trante mule pas tout enson

Qui rouge est au fonz et entour En perse est un fluns lons et lez Qui de nuiz est si engelez Que bien i puet aler la gent Et de jours est clere et courant Une fontaine est en epire Dont merveilleuse est la marine Quen i estaint brandons ardanz Et puis les reprent en dedenz En ethyope une autre en a Qui par nuit si grant coleur a Quon en puet boivre et est de jorz Si froiz come sil gelast touz En loheraine pres de mez Ilecques sourt une eue ades Que len cuit em paele grans Si devient sel et bel et bons Icele eue que je devis Porvoit de sel tot le pais Et sourt en .i. puis pres diqui

Quen apele le puis davi Si a fontaines cele part Qui sont si chaudes quen si art Et en meismes cele place Sordent autres fredes con glace Ilec sont li baig apreste De chaude et de froide mesle Car qui baigne en ses bains Son cuir devient et bel et seins Si a unes noirres fontaines Que maintes ^gens tiennent a saines Que il vont boivre por poisons Et font souvent purgations Plus forz cune grant medecine Que len recoit bone emplevine Une en i a vers oriant Dont le ^/. feu ^/. fet greiois ardant Ou autres choses quon i met Qui est si chaut quant espris est Que deue estaindre nu puet on

Por sentir cele grant doucor Fors li sarpens, cui bonne oudor Grieve, si quil emmuert souvent Cele beste na seulement Cune fois faons, et quant doit Faouner, sia tel destroit Quas ongles ront son ventre lors Tant que li faons en soit hors Mais jamAis faons puis navra Quant ensi son ventre rout a Une maniere de Jument I a, qui concoivent dou vent En capadoche une contree Mais nest que .iij. ans lor duree Cele part sont li oliphant Grans bestes, et fort combatant Qui sanc lor moustre devant eus Sen sont plus fort et corageus Par tous lieus sose bien embatre Sor als se soloient combatre Cil dynde, et de perse souvent Car molt bien porte une tour grant Qui est plainne de gent armee Quant desor son dos est fermee Un bouel ont, par de devant Dont il menjuent, large et grant Dont prent bien .i. homme et deveure Et si lenglout en petit deure Les gens alixandre qui fu Rois et bons clers de grant vertu

[initial: 11th row, opening initial /U/, 2 lines, in blue with red pen flourishing]

Des contrees dynde EN ynde a maintes grans contrees De bestes et de gens peuplees Une en i a, perse est ses nons Et tient .xxxiij. regions Dont lune est perse une contree Ou premiere fu controuvee Une ars, qui ningremance anon Quanemi fait mettre emprison La croist une pois quest si chaude Que la main dou tenant eschaude Qua veuc la lune, vait croissant Et en son decors descroissant De cele pois, saident bien Cil qui sont ningremancien Apres est mesopothamie Ou ninive est establie Une cites de grant nommee Qui de grant a .iij. jors dalee Une tor a em babyloine Qui faite fu par grant essoine Dont li mur sont et fort et bel Et lapele on, la tour babel Qui a dehaut tout en viron Quatre mil pas, dusques enson En la region de caldee Fu astronomie fondee En cele est la terre de sabe Puis est tharse, et puis arrabe De ces .iij. furent li .iij. roi

[initial: 1st row, opening initial /E/, 3 lines, in red with blue pen flourishing] [initial: 16th row, opening initial /A/, 2 lines, in blue with red pen flourishing]