ENPages
3
| DISPUTATIO ETHICA | DE | AMICITIA. | QUAM | DEO Opt. Max. favente | Publice | Eroditorum censurae | In Academia Francofurtana | committit | M. JEREMIAS TSCHONDER | Vratislaviensis Silesius. | Respondente | MELCHIORE GALLICULO | Prausnicensis SiL. | Die XXII. Septemb. | An. 1604. | In auditorio Philosophorum | majori | Horis consuetis. | Typis Friderici Hartmanni. |
|---|
4
| NOBILISSIMO ET AMPLIS- | SIMO VIRO | Dn. JAcobo Reichell in Tranisch/ | Impensarum, militarium, superioris & | inferioris Silesiae Quaestori | primario | & | Celeberrimae Vratislaviensium Reipublicae | Senatori spectatiss. | Domino & Mecoenati su benignissimo | grati animi testimonium. | NEC NON | Reverendo Clariss. & Humanissimo | VIRO | DN. M. CHRISTOPHORO SCHOLZIO | Theologo eximio, apud Vratislavienses | Ecclesiae ad D. Elisabetae, Eccle- | siastae primario. | Praeceptori & fautori suo plurimum | honorando | Observantiae symbolum | exercitium hoc publicum | offert & consecrat | Ierem. Tschonder | disput. Praeses. |
|---|
5
CONTINUATIO.
Post contemplationem specialem singularum Virtutum, cum Aristotele accedimus ad considerationem AMICITIAE, quae licet virtus non sit, Piccolom. grad. 7. Phil. Mor. cap. 9. magnam tamen cum virtute videtur habere cognationem, 8. Eth. Nicom. cap. 1. Piccol. d. g. cap. i et ii. ita, ut non incommode ab eodem, suavissimus virtutum nuncupetur fructus, cap. 7.8.10. et 22. omnique homnium conditioni apprime utilis et necessarius. Porro cum Virtus, teste Scaligero exercit. 317 sect.3. Beatitudinem, tanquam ultimum finem, in quo acquiescat, sibi propositum habeat : illa vero sine Amicitia suis numeris nequeat esse absoluta, Piccol. cap. 22. 8. Eth. 1. sequitur, huius tractationem in Philosophia Morali nequaquam esse praetermittendam. Quamobrem, operam non inutilem me suscepturum arbitrabar, si de hoc fructuosissimo thesauro, placidam disquisitionem in publicum, exercitii causa, adducerem.
THEMA 1.
Ut eo rectius collatio nostra instituatur, tenendum, nos non de amicitia, quae etiam in rebus naturalibus deprehenditur ; alias συμπάθεια, sicut contrarium ἀντιπάθεια, nuncupata, de quibus multa Scalig. exercit. 344. Sect. 2 et seqq. sed quatenus pressius, magisque proprie sumta, iuncta est cim ratione, solique competit homini. Piccol. de rer. def. pag. 252. locuturos.
II.
Definitur Amicitia, quod sit ἔυνοια ἐν ἀντιπιπονθέσι μὴ λανθάνουσα, mutua et manifesta inter aliquos benevolentia. 8 Eth. Nic. cap. 2.
III.
Illius obiectum est amabile, quod tripliciter consideratur, ita ut secundum primarium respectum, honestatem