Team Unicorne

[Column 1] Ains est puans malvais et ors Car ele meniue les cors Et en lor sepollcre habite Trestous ceus devore et soubite A cui ele puet avenir Por ce se fait moult bon tenir De ceste beste si haie Dist li prophetes geremie La fosse au hyenne sauvage Ce est dit il mes heritage Une beste porte seur lueil Cele beste dont dire vueil Qui sor la langue la tenroit On dist quil adevineroit Les choses qui avenir sont Des aventures de cest mont Iceste beste a .ii. natures Qui habite en sepoutures Ja de teiles parleir norreiz On dist que vous la trouereiz Une fois malle autre femele Et as traians et a memeles Grant merveille est estrangement Que si change son errement. Ceste beste ne douteiz mie Les filx [israes] senefie Qui bien crurent premierement Ou pere vrai omnipotent Et loiaument alui se tinrent Mais apres femeles deivirrent Qant il furent soef norri Et as delices assenti A la char et ala luxure Puis norent de damedieu cure

[Column 2] Ains le guerpirent si foleirent Si que les idres aorerent Moult la gent si com moi samble Qui a ceste beste resamble Si vous dirat quel gent ce sont Trop grant plentei en a ou mont Qui ne sont malles ne femeles En dis en oevres sont femeles Doubles et faus nien creable Et ennul lieu ne sont estable De cex parole salemons Qui fist le livre des sermons Li hom doubles faus et fengnanz Qui nule hore nest parmenanz En riens quil face ne quil die Moult par est de malvaise vie Servir vieut avous et amoi Anul de nous ne porte foi Jhesus chrizte nostres soverains Q^est pere et filx etespris sains Dist teil parole en levangile Quen ne doit pas tenir aguile Ne hom a ii segnors servir Ne puet soufire ne soufrir Lun amera lautre harra Ce que diex dist ja ne fera Lun volra despire et hare Et lautre amer et soustenir

[Image, col. 2, lines 29-34: Blue bordered image festuring Jesus Christ in a light purpule robe on the right panel rescuing three of hus followers and the flames of hell below. On the right panel a beast and a devil The image has a gold leaf background.]

[Initial, col.1, line 25, /C/, 1 line, in red.]

[Column 1] La nature delydre Une meniere est de serpent Qui en eaue a habitement Ydrus a non si est moult sage Car moult seit bien faire demage As cocatris que ele heit Sagement engingnier le seit Bien vous dirai avant comment Cil lengnigne moult soutienme(en)t La cocastris est beste fiere Et moint ades en la rivere de cele isle qui nil a non Luef resamble auques de facon xx coudes a il bien de lonc Si est ausi gros comme i tronc Quatre piez a et ongles grans Et denz auges et trenchans De ce est il moult bien armeiz Tant ale cure dur et sarrei Grans colps de pierre ou de baston Ne doute plus dun aneton Onques hom tel beste ne vit Car en terre et en eaue vit La nuit se tient en leaue enclos Et a terre a le jor repos Quant homme encout^re et il le vaint Meniue lou riens nen remaint Mais tous iors puis apres le pelure Tant com ele envie demeure De ceste beste seule avient Que les gencives desus tient Tout en pais quant ele meniue Mais iceles desous remue Ceste nature nest donee A autre creature nee

[Column 2] Et de sa coe seulement Soloit on faire i ongenement Les vielles fames sen oignoient Par cest ongnement sestendoient Les fronces dou vis et dou front Et plusors encore le font Mais puis que la suors seur vient Sachiez que nul preu ne lor tient Lautre beste que vous ai dite Qui en eave tous iors habite Heit la cocatrice de mort Et il li ci na mie tort Moult se heent de grant haine Mais cele seit plus de traine Qant autre lavoit gesir Et en dormant la goule ovrir En tai et en limon se moulle Ilueques se veautre et tooulle Por estre plus escoulorable Puis vient tout droit ace diable Tresparmi sa goule se lance Et si le transglout en sapance Elnia pas estei grant piece Qant elli derront et depiece Dou ventre toutes les entrailles Et les boiaus et les corailles Issue quiert delivrement Et si senist tout sauvement Et cil muert car morir lestuet Qui des plaies garir ne puet Ici puet on essample entendre Et grant senefiance aprendre La cocatrrice senefie Mort et enfer nen douteiz mie

[Initial, col.1, lines 1-2, /U/, 2 lines, in blue with red filigree.] [Initial, col.2, lines 31-32, /I/, 2 lines, in red.]

[Marginalia: on the top right margin a roman numeral is added in black ink, lxvii, probably indicating an older pagination. Charta number is added on the top right margin in arabic numerals in red ink, 66. To the right of col. 2 line 4, a crossed is visible.]

[Column 1] Autresi comme le serpent Dont je vous di primierement Ocist le cocatris et tue Et sauvement porchace issue Fist nostre sires jhesu crist Car en la char que por nous prist Si sagement senvolepa Que mort et enfer estrangla Diluec osta ses bons amis Qui remeiz ierent chaitis Si comme li profetes dist Qant la prophette descrist Otu mors je serai ta mors Diex qui est nostre lions fors Destruit nostre mort enmorant Dont tous tans iert enfers plorannt En resourdant rapareilla Nostre vie qui ne faudra. [image] La nature de la chievre Cestes sont moult foles et sages De privees et de sauvages Vous tenez por coart le lievre Et por fole tenez la chievre Mais de la chievre ne porquant Amon essample qenoissant Bouc anon li malle en romans Barbes ont longes et pendans Et cornes dures et agues

[Column 2] Et durement les peaus velues En grans mons moinent volenters En plus grans et en plus pleniers En valees entour se paissent Et se norrissent et engraissent Moult de clere veue sont Qant lassus sont ensus le mont Moult voient long ethaut et cleir Qant il voient gent trespasser Demaintenant por voir sauroient Se veneor overrant soient Ceste beste qui si cler voit Et qui de si loins aparcoit Son anemi qui mal li quiert A lessample de dieu affiert Car diex qui est sires dou mont Maint tout laisser en plus haut mont De long esgarde et voit et sent Qanque font ca et la la gent Tout voit et seit comme vraiz sire Qanque len puet penseir et dire Ains quens ou cuer soit conceue La pensee ail queneue Des eglises qui ores sont Establies parmi cest mont Est diex peus et abevreiz Des armones des chariteiz Qui font li crestien feel Qui ont sa grace et son conseil Qant nous por lamor dieu paissons Le poure ou nous le revestons Qant en chartre le visitons Ou quant de no pain li donons Qant le pelerin herbreions

[Image, col. 1, lines 19-24: 6-line image featuring three goats gazing on plants on the left side, abutting two figures, one clothed in a red tunic and other in a loin cloth. Two figures clothed in blue, one seated, apear at the right of the image: one has a pointed hat that could be Amos, often depicted as a goatherder, and the second holidng a book, and gesturing with the right hand, with a red halo, who may represent Amos as a prophet. The image has a gold leaf background.]

[Initial, col.1, lines 30-31, /C/, 2 lines, in blue with red filigree.] [Initial, col.2, line 12, /C/, 1 lines, in red.]

[Column 1] Qui na ne borde ne maisons A dieu le faisons purement Quile recoit benignement Car si com il meismes dist Et en levangile est escrit Quant tout le mont jugier venra A ceaus de destre part dira Veneiz li beneoit mon pere En sa maison quest bele et clere Qui appareillie vous fu Ancois que fussiez conceu Qant nu et povre me veistes Dont me peustes et vestires Qant je oi soif vous mabevrastes Hostes fui vous me harbreristes Por ce en aveiz deservie Joie et pardurable vie Ces bones paroles orront Cil qui a destre part seront Itex paroles norront mie Cil de la senestre partie Il naront pas icel promesse Ancois orront moult felenesse Gens de male arie diex dira Aleiz en feu qui ne faura Ains neustes pitie de moi Quant je avoie faim et soi Ne me volsistes harbreger Ne doner boivre na menger Visiteir ne ensevelir Ne moi chaucier ne revestir Dont diront cil sire merci Qant vous veismes nous ensi Diex respondra a la persone

[Column 2] Qant vous veistes le povre hommme Ou povre fame ou orphenim Ou mesaaisie pelerin Qui por mamor queroit dou bien Et vous ne lenfeistes rien Dont me veistes pain querant Et povre pelerin errant Por ce irez en val parfont Ou Sathan et diable sont Cil lieus vous est appareilliez Des que li mons fu commenciez Por dieu segnor entendeiz ci Qui tantes fois aveiz oi Que larmone estaint le pechie Faites bien au mesaaisie Qu il por dieu vous requerra Oiez quel bien vous envenra Diex vous enmetra a sa destre Amont en la gloire celestre A la joie qui ne faudra Mais ades sans fin durera Et diex nous doinst ensi ovrer Que la puissiens sans fin regner [Image] La nature de lasne sauvage De lasne sauvage dirons Le voir que ja nen mentirons Si com li livres nous aprent Qui ne faut pas ne ne et mesprent

[Image, col. 2, lines 24-29: Three wild asses on a platform held up by a devil figure; Two monks appear to their right - one in a red robe and another in blue. The monks appear to be standing in front of a castle. There is a basin in front of them and they appear to be holding people down in the basin. The image is smeared here, and it is unclear. The image has a gold leaf background.]

[Initial, col.2, lines 30-31, /D/, 2 lines, in red.]

[Marginalia: on the top right margin a roman numeral is added in black ink, lxviii, probably indicating an older pagination. Charta number is added on the top right margin in arabic numerals in red ink, 67]

[Column 1] De moustrer essamples non fables Bones vraies et delitables Li livres nest mie doiseuses Essamples ia deliteuses Ou il a moult riche matere Dont nous faisons la letre clere En desers daufrique la grant Trueve len qui les vait querant Ices asnes dont je vous cont Si na si grans en tout le mont Et si ne sont mie iceus En desers ne en bois rameus En valees et en montaignes Sont li haraz a granz compaignes En chascun haraz finement Na fors i malle seulement Et cil les femeles maistroie Et en la plame et en larbroie En haraz na qun estalon Et qant la femele a foon Se femele est femele soit Mais se li peres aparcoit Qil soit malles ne targe gaires Quilli colpe les genetaires A ses dens car il ne vieut mie Je cuit que ce soit jalousie Qui lart ses membres tant creuz Que les haraz saillir peust Qant li mois de marz est entreiz Et xxv jor sont passei Dont rechene lasnes sauvage Ou en plaines ou en boschage Le jor rechene xii foiz Et la nuit xii ce sachoiz

[Column 2] Dont sevent bien li paisant Qui pres dilueques sont menant Qualors sont les nuis et li jour Dun estat et dune longour Por le jor que xii foiz crie Des la jornant jusqa complie Xii fois la nuit ensement Quenoissent il tout vraiement Iceste beste par droiture Porte dou maufei la figure Job raconte que navient mie Qasnes sauvages braie et crie Nule fois se fains ne lasproie Autresi cil qui nous guerroie Nostre anemis nostre aversaire Qui ne fine de nous malfaire Por cui sains peres nous chastie Que nous ne nous endormons mie Mais que nous veillons et ouron Car tous jors nous vait environ Comme lions por devorer Se sans garde nous puet trover Qant il voit le pueple venir A la loi dieu et convertir Qui estoit enlombre de mort Et entenebres sanz confort Dont ot duel etsi rechena Et encor plus rechenera Qant il verra toute la gent Venir adieu communement Qant il verra les arrabis Et les paiens et les juis A la loi dieu trestous torner Dont porra braire et rechener

[Initial, col. 2, line 9, capital I, red.]