British Library Egerton 2810

{Crux} {Dun stan .} SEint Dunstan was of Engelonde · y come of gode more Miracle oure louird dude vor him · ar he were ybore . Vor he was in is modir wombe · acandel masse day . Þet volke was at churche þikke · as it vel to þilke day . ¶ As hij stode alle wiþ hore liȝt · as me deþ ȝut ynou . Hore liȝt queinte ouereal · þai ne wiste hou . Here riȝt it barne swyþe wel · ⁊ here riȝt was oute . Þat volke stode in gret wondir . ⁊ were in gret doute . And bi speke ouereche to oþir in woche manere it were . Þat it queynte so sodeinliche þa^t liȝt þat hij bere . As hij stode ⁊ speke her of in gret wondir echon . Seint Dunstanes modir tapir . afure were anon . ¶Þat ȝeo helde þere in hire honde · ȝe nuste wan it com Þat volke stode ⁊ þus by helde . ⁊ gret wondir þer of nom . Ne noman nuste wan it com . bote þorȝ godis grace . Þer of hir tende al hore liȝt . about in þe place . {hou þa^t þair lyt come oro sone oute}

{Probably says "In"}? þe londe of constantyne þe nobil ⹎ a giewe sumtyme was ? a chirche hym ⹎ delf alon as h^t fol ⹎ bi cas ?s stode 7 beheld þe rode 7 crist for to schend e thoȝt to do þe rode schome or any mo[re] cou i[t] wende. n þe throte w^t a sworde he smote þe swete rode. ?^t hit spronge on hym [?] brode þa^t al ⹎ was on blode. ?e[?] drede þe schrew of cristen men lest any come at þs laste þe rode he ba[r]e a no[ne] away 7 in a deþe put hi^t caste And ran hym self for drede a cristen man he met þa^t beheld hou he was blod 7 fast on hy[m] set Schew he said quer ha[s] y^[?] bene qwo had þ^[?] b^?ȝt of daw. Þou schalt abide here wi^t me 7 be hongst or to draw I haue done q[o]d þis oþer no more bot gode þou lighes loude qod þa^t oþer 7 þa^t sche[??] þa^t blode [???] mercy qod þis oþer to doth I now se þa^t cristen me[nnis] god is mi?h nou her þer may be So w[?]^t me quat ȝe wil ⹎ for [?]er[?]e^t I haf wis for a rode I gaf a deþe wounde 7 he bled on me þis And I hym cast in a foule pit for men ne schuld co[?] hym to And I ȝon alsche cristendome or I to doth go cristen men þa^t þis herd þere of were bolde þai wenton forth 7 founde[?] þe rode as þe gi[e]w h[e]m tolde. þai welschon ⹎ þa^t h[a]þ 7 setton ⹎ aȝain as he had or do 7 ȝet is þe wounde seȝen in þe throte 7 ou[r] wil ⹎ be so þe volk þa^t hym hade smyten (ink stain) cristent was sone ?nd gode life lad ⹎ as hit fel ⹎ a cristent mon to done ? cristen mon þere was in þe londe of s[ythy]ne a lade he had in his house þere on ofte to cryne hit befel ⹎ at his t^[?]e day þa^t he went to anoþer [?]ne Anon þe rode was founden ⹎ þe iews al h[?]^t nome [?] ladden h[i]^t forth to hove s[in]agog[e] as þai lad crist to his dome [?] spitten on hi^t 7 bulfet al[?] 7 ofte don[?] h[i]^t cast. [?] þo liȝt [d]i[de] þai s[mi]tten a stere deþe in at þo laste. [??] blode spronge out wi^t gret strem[?] þen wer þai a gaste [?}d ȝet þe schr[e]ws sthofe[n] þa^t stere in ful fast. [?] þai nolde[?] he blede in hore s[?]ynagoge a gret fat þai f[e]te [?]o h[??]t þe st?ems of þo rode vud[er] þai hi^tset.

{Starting between the ends of lines 32 and 33, there is more writing at a 90 degree angle on the right hand margin. It reads: + a g[ilk] coins s[?]hen 7 wou[e]t þ[er] 7 wist not þe > rode þ[er[e]] in}

So þa^t he bled þa^t fat ful of blode er he stynt. þen dorst þai do no mare schame þo rode as þai mynt. And thoȝten to [?]f[s] w[?]^t þo blode queth^[?] crist were soth 7 gode. Iche seke iew þa^t þai kue[lk] þai smeret w^t þe blode. And þai had hor[s] h[?]ls anone 7 lete ho[?] cristen alle And tolden al hor luth[er] dede 7 hou hit co[?] þere falle. Þ[e] bisschop kept þis holi blode as relike r[i]ch 7 gode þere come gre^t unra[?]nl ⹎ al day of þa^t suete blode. So þa^t hit was in mony str[??]es fot side 7 wide. In mony st[???]es men sayn ⹎ hi^t is s[?]^r lordis own blode [Marginalia lowercase a] In iche st[u]de hi^t may be amoge[?] relik[?] gode a iew þere come some tyme to rome þa [??]ȝt nou [ju]e wy[?] In an olde hous he had hym done fer fro iche jue. FFor he was so in a wilde stude þo dele he dred sore he thoȝt hou cristen ⹎ men kept hom fro h?s lore W[ha]^t þe cros he blesset hi[?] lest hy[?] oght be tide. Of he hym self lefet not on ⹎ 7 he lay hym self in þa^t stid a gret deul[e] þere com in at midnyȝt as he a maister were 7 oþere deul[?] wi^t hym enoȝ a chaer w[i]^t ho[m] þai bere. Þere þai set þis gret maister and he ho[?] asschet anone [V]chon after oþere of hore dede quere about þai had gone Que[?] al had ȝolden a co??tes of þa^t þai hadden do þis maister loket hym beside þo iew he saȝ also q^at is þa^t said þo maister þa^t I in þe hy[??] se. [D.] no mad hym so hardy 7 so wode at our a countes to be Goo forth 7 fo[a]hes hym hid[er] he schal ⹎ w[?] v[?] telle So sore wos þe iew a dr[e]d þa^t he schot neȝ out of his felle quen þai come toward hym þai miȝt not com hy[?] neȝ And vchon of hom was out of wit que[?] þai þe cros seȝ quat now said þis bole ⹎ maister qui haf ȝe hym not snoȝt Sir in^[er]te said en þes oþere we may come neȝ hymnoȝt. h[i]^t is vessel þa^t empty is 7 w[i]^t out armet fast. þen floȝen ⹎ þo deules for þe cros so sore þai wer a gast. þo iew lefet a nou[?] on god[??] sone þa^t on þe rode was do and lete hym cristen ⹎ sone as he miȝt come þere to. Row god fov þe rode luf þa^t þ[?]ⁿ was on [d]o Bringe v[?] to þe ioie of he[u]ene þa^t þ[?]ⁿ v[?] hoȝtf to ⹎ / / And

{Dunstan} ¶ Þat was þat oure louird crist . fram heuene þat liȝte sende . And þat volke þat stode aboute . þer of hore tapris . tende . Oute of þulke holi child þat in hire wombe was þere . Alle engelonde sscholde ben yliȝt . bet þan it euere were . ¶ Þis child was ybore nyen hundride ⁊ viue ⁊ twenti riȝte aftir þat oure swete louird in is modir was aliȝte . And þe verste ȝer of þe crouninge . þe kinge aþelston . Is modir het kinedride · is vadir herston . ¶ Þo þis childe was an erþe ybore · is frendis nome þer to hede · Hij let it do to Glastingeburie · to norsschi ⁊ to fede . To teche him eke is bileue · is pater noster ⁊ is crede . Þe child wax ⁊ wel yþei . as it moste neode . ¶Lute ȝeme he nom to þen wordle . to alle gode he droȝ . Eche man þa^t hurde of him speke hadde ioye ynoȝ . ¶ Þo he was of mannis wit . to is vncle he gan go . Þe erchebisschop of cantelburie · seint aeldelme þa^t was þo . Þat made wiþ him ioye ynoȝ · ⁊ euere lenge þe more . Þo heyser is godnesse · ⁊ is wyse lore . ¶ Vor deinte he hadde of him · þa^t he let him sone bringe · Biuore þe prⁱnce of engelonde · aþelston þe kinge · ¶ Þe kinge him made ioye ynoȝ · ⁊ grantide alle is bone · Of wat þinge he wolde him bidde · ȝuf it were to done · ¶ Þo bad he him an abbeie þer he was vorþ ybroȝt · In þe toun of Glastingeburie þat he ne wordne him noȝt · ¶ Þe kinge gr^antide is bone anon · ⁊ aftir him also · Edmud is broþir þat was kinge · in is power ydo · To glastingeburie he wende anon · þe godeman Seint Dunston · Beie þe kinges him ȝeue leue edmunde ⁊ aþelston · ¶ Of þe hous of Glastingeburie · agret ordeinour he was · And made moche of hore gode reule · þa^t amonge hom er nas · At þe hous was verst by gunne · our hundred ȝer byuore · And eke þre ⁊ vifti ȝer · ar Seint dunston · were ibore · ¶ Vor þere was ordre of monkis · ar seint patrⁱc come · And ar Seint austin to engelonde · broȝte cristindom · ⁊ ar seint patrⁱc deide vour hundred ȝer · ⁊ two ⁊ vifti ȝer And aftir þat oure swete leuedi · oure louird anerþe ber · ¶ Ac monkis þere nere verste · bote as in hudinge echon · And as men drowe to wildirnesse · vor drede of godis fon · Seint dunston ⁊ seint aþelwold · as oure louird by say · Y ordeinid were to prestis · boþe in one dai ·

{Dunstanus} ¶ Þer aftir sone to Glastingeburie · seint Dunston aȝen wende · Abbod he was þer ymad · is lif vor to amende · And vor he nolde by is wille · no time ydel be · An priueye simiþþe by is celle · he let him by se · ¶ Vor wan he moste of is orisouns · reste vor werinesse · To querke he wolde is hondin do · to fle ydelnesse · Serui he wolde pouremen · þe wyle he miȝte dure · Al day vor þe loue of god · he ne keþte of ȝem none hure · ¶ So þat alle at one time he was in þre stedis · His hondin atte worke · is hert at god · is mouþ · to bidde is bedis · Þer vore þe deuil hadde to him · gret envie · ⁊ onde · Atime he com to is smiþþe · al one him to fonde · ¶ Riȝt as þe sunne ȝeode adoun · as he awomman were · And spak wiþ him of is work · wiþ hȝ inde chere · And sede wiþ him of is work · gret work to done · Ȝeo truflinde is mote here ⁊ þere · in anoþir tale wel sone · ¶ Gret wondir hadde þis holi man · þa^t ȝeo was here ⁊ þere · He sat longe ⁊ byþoȝte him wel · longe wo is were · Þo he byþoȝte wo it was · he droȝ him mere is tonge · ⁊ leyde hire in þe hote fur · ⁊ spak vaire wel longe · ¶ Vort þe tonge was al afur · ⁊ suþþe stille ynoȝ · Þen deuil he hente byþe nose · ⁊ wel vaste droȝ · He twengde ⁊ sschot him by þe nose · þat þet fur out blaste · Þe deuel wrickid here ⁊ þere ⁊ he held euere vaste · ¶ He ȝal ⁊ hupte ⁊ drow aȝen ⁊ made grisliche bere · And nolde vor alle is byȝete · þa^t he hadde ycome þere · Wiþ is tonge he snutte is nose · ⁊ sschok him euere sore · Vort it was wiþ inne niȝt · þat he ne miȝte yse namore · He flei ⁊ gradde by þe lifte · þat me hurde into al þa^t londe · Out wat haþ þis calwe ydo · wat haþ þis calwe ydo · In þe contrei me hurde wide · hou þe shewe gradde so · ¶ At þe sschrewe hadde ybe as god · habbe ysnutte atorn is nose · He ne hedde na more þudirward · to tulie him of þe pose · Þis holi abbod seint Dunston · hadde wel gret power · Wiþ kinge Edmunde þa^t was þo · ⁊ was alle is conseiler · ¶ Aftir kinge Edmundes deþe · agodwule þere was agon · Þat Edwyne is sone was kinge ymad · ⁊ noȝt aftirward anon · Þes Edwine hadde vuel red · ⁊ þer aftir he droȝ · Wiþ Seint Dunston he was wroþ · certis wiþ gret woȝ ·