Magnetismus Medicinalium p. 680

{Superstitio Marbodæi.}
Conciliare potest vxoribus ipsa maritos,
Et vice conuersa nuptas reuocare maritis.
Suppostum capiti lapidem stertentis adaptet,
Mox quæ casta manet, petit amplexura maritum.
Mox tamen euigilans cadit omnis adultera lecto
Tanquam pulsa manu, subito fœtore coacta
Quem lapis emittit, celati criminis index.

{Superstitio Astrologorum.}
Sed quis adeo hebeti & obtusi cerebri est, qui huiusmodi anilia
deliramenta non videat, imò rideat? Quidam Astrologi quoque ad
amorem conciliandum, Venerem Magneti superst[i]tiosius insculpunt.
Vnde Claudianus: Venerem Magnetica gemma figurat, ridiculus il-
le Marbodæus aliam quoque bene furandi industriam ope Magnetis
peragendam forsan istius artis haud imperitus docet, quæ quoniam
admodum ridicula est & nugatoria, animi causa hic adiugendam
duxi.

Si fur claustra domus spolijs gazisque referta
Ingrediens, prunas ardentes per loca ponat,
Et supraponat Magnetis fragmina prunis,
Vt per tetragonum fumi vapor alta vaporet,
Mentibus euersis velut impendente ruina
Diffugiunt omnes in ea quicunque manebunt,
Et fur securus rapiet quæcunque libebit.

Sed de hisce & similibus nugamentis, vide quæ in vltimo cap.
1.part.primi Libri diximus.

CAPUT II.

De Magnete Microcosmico, siue Hoplochrysmate, seu
vnguento Armario.

PRodidit non ita pridem è stygià, vt equidem reor, officina, vn-
guentum quoddam, quod ab actione, qua in distans vulneratos
sanare falsò creditur, Magneticum dicitur. Armarium verò, quod
armis inungi soleat, conficitur ex varijs speciebus, quas consultò sub-
ticere visum est, cum mumia siue parte hominis strangulati, aut alio
violentæ mortis genere perempti, Luna crescente, & in bona domo,
& in signo, ne quid superstitionis desit, humanæ figuræ existente.
{Confectio vnguenti magnetici.}
Hoc vnguento sic ritè præparato gladium, pugionem, clauum, vel
quodcunque alterum telum, quo vulnus inflictum fuit, inungunt,
/te-