Marston_MS_242

Sampson was son of the juges in israel whas name is writen among the juges. he was the son of ma nne. his burthe was shewid by an angel. he weddid awife in tha[n]natha. awo[m]man of the philisteis. and as he went theder ward: he mette with alyon. and as aman wold tere akide: so he al to rent the lyon. Efte he raine that wei and found in the same lyons mouthe aswerine of bees and honykoies. he dide greet harmes to the philisteis. he toke thre hundred foxes and tied har tailes to gederes and abrond of fire i[n] the myddel bitwixe two foxes. and thei runne thurgh the cor nes there the flode in the rides: and brent cornes. vines. and olines. ¶ And whan the kynrad of Juda had bound hym with two nwe ropes and delynered hym to the philisteis. he barst the ropes as greet fire doith smale ??????. and had no thyng to fight with: but toke an asse chekebon and slue ther with athousand of the philisteis. and whan he had doon: he was almost dede with thrust. god opened agreet tothe of the asse chekebon: and out came water in plente and he dranke y nowgh. he toke the yeate and the postis with of Gaza and bare ham upon an hylle with oute the towne. ¶ Thre tymes he was deceyved by the wo[m]man Dalida. and at the fourthe his heer was cutte awai. and he take of the philisteis. and bothe his eyen put out. And whan hys heer was growe ageyn at a greet feest: he was made har fole. and whan there wer a thre thousand of the peple with inne the howse: he pulled downe the howse and slue al that was there and hym self also. Elimelech toke hys wife Noemi and in tyme of greet hunger went on pil grimage oute of bethleem in to moab. where he toke to hys twei sones two wines that were callid Ruth and Orpha. The fader Elime lech died: and hys two sones. Ruth abode stille with Noemi whan she turned to bethlee[m]. ageyn: Booz for he was nyghe of blood. he weddid Ruth and gate of hyr Obeth. Long it wer to put al the p[ro]genitoures of Abiel. he came of beniamin. of whos son Cis. came Saul the kyng. And broder to this Cis was Ner. In paralipo menon we rede that Ner was fader to Cis.

On the left: ¶ housbond-and wife

In circles: Elime-lech. Noe-mi. Maa-lon. Cheli-on.

wifes.

In circles: Ruth.- wife of booz Orpha

On the right: In circles: Abiel. Cis. Ner.

[In circle: Asca nius.] Ascanius was son to Eneas. and he gate ason whos name was Siluyne. and thys Siluyne was fader to Brute [In circle: Silui us.] Brute was son to Siluius. and whan hys moder was greet with childe: than Eneas that was fader to this Siluius askid of wife men of what condicions this childe shuld be. Thei seid she shuld haue a son that shuld flee hys fader and hys moder. and so he dide. for hys moder died in chyldyng of hym. and after whan he was at man[n]es age. he slue hys fader as he wold haue thot at awilde beest. And than he was put oute of Italie and toke with hym agreet multitude of peple. and thei went in to the londe of greke, and there thei de liuered out of bondage my ??? peple of the troianys and co[n]querid kyng pandras and he weddid hys doughter. And fro thens thei went i[n] to an yle called lougers. and there he had answer of deana the goddesse to go in to fraunce. and so forth toward the west. and there he shuld finde and yle called albion. And whan he came to albion he slue the gi anntes. and after he ma de a citi and called it new troye. that now is called london. And whan he had regned there twenti and foure yere he died and is buried at newe troye. [In circle at the beginning of the script: Bru tus. In circles at the end on the left: locri-nus. Alba-nact, kam-ber]

Saul whan he sought his fader alles. he mette with samuel in Ramatha. and he told hym of hys alles and of the kyngdom. he anoynted [Green roundel with red lettering: Saul Kyng] hym with thee tokenys. oon at Rachel is buriell is. anoder at the obe of thaboz. the third a the company of whetis among whom he propheci ed after chosyn kyng. He delyne red the men of Jabes fro flaas?. And herd atoken of god in a thunder. Whan Samuel had reproued the peple for askyng of a kyng. And whan asacrifice shuld be don or thei wold fight ageyns the philisteis. saul bode not or samuel the [pro]phet came but offred it hymself. Wherefore he was reproued of samuel. ¶ Jonathas and hys men of armes d?ecyng with hand and foot ageyns[] a hille by a mirakel destroid albyng of the ? of the philisteis and where saul had charged the peple upon payne of curse and deth. that none should taste mete: or the bateil were doon. Jonathas not knowing there of. tasted hony. wherefore his fader wold have slayn him ne had the peple let hym. ¶ But where saul was com[m]aunded of god to destroie amalech and hyr kyng man. wife. child. and beestis. he after the bated referued the kyng Agag alyne and many of the beestis and oder thynges ???. wherefoer god chese dauid than but ayung?yng. and saul and his hous hold euer after reproued.

Samuel juge and p[ro]phet he delyuered the childer of israel fro the philisteis. and at the asking of the childer of israel of akyng ; he anoynted saul for har kyng by thre tokenis. and gaf hym the co[m]maundement of god; the which he brake. wherfore saul was reproued and al his houshold. and dauid anoynted for kyng.

After the deth of saul Joab prince of daudis peple whan he dwellid in Ebron slue Abner prin ce of saulis peple.and dauid made greet sorwe therfore. Danaa and Pechab two brider and men of saul;whan har lord was deed;thei came in adaie whan Isboseth that was son to saul lai and slept in the myddel of the daie; and upon his bed murdrid hym and smote of his hede and brought it to dauid in ebron.Dauid co[m]maunded ham bothe to be slayn for har treson and leet smite of handes and feet of ham.¶ Seuen yere dauid regned in Ebron and sexe monethis after he destroied the Jebuseis that dwellid in ierusalem;whan he had made hym atowre in syon.for first he made that towre fall by the towne.he destroied the philisteis in baalpharasim. And with greet solempnite fette the arke of god fro the house of aminadab in gabaa and brought it to the house of obededom.and after that thre monethis fette the arke in to his owne house.¶ Dauid had the bet ter of al hys enemies.and had p[ro]misse of a son that he shuld haue;that shuld make a tempel to god in ieru salem.he was kyng ouer al israel.and Joab prince of his werris.he toke Miphiboseth Jonathas sone and sette hym at his owne burde al hys life. Miphibo seth was halt in bothe feet.Dauid thurgh slouthe and stiryng of the feend toke veye the kynghtis wife.and lai by hir and gate hyr with child.and leet sle hyr housband to.wherfore god was greetly displesid.¶ Amon the eldest son of dauid lai by Absalonis suster. wherfore Absalon slue Amon.And after roose ageyns dauid hys fader and gaderid al israel ageyns hym.but in the bateil dauidis peple had the better.And Joab slue absalon and brought dauid to hys kyngdom ageyn there as Absalon had compellid hys fader to stele out of Jerusalem.Efte dauid was stired to anoder thyng ageyns the plesaunce of god to nu[m]ber the peple of israel.wherfore god gafe hym choise to chuse of thre thinges. and therwere in thre daies sexti thousand and ten deed for da uidis defaute.¶ And after salomon his sone was anoynted kyng;and he had gife hym in co[m]mandement to sle Joab for the slaughter of abner and amasa. and to sle semei that cursed dauid whan he voided absalon.¶ After he had regne i[n] Ebron seuen yere and a half.and thre and thritti yere in ierusalem;died and was buried i[n] his awne citi.