Marston_MS_242

D auid the leest of his breder was chose of god by samuel the p[ro]phet and anoynted i[n] bethlee[m] in tokyn of akyng.he put away the wicked sprite fro saul by his harpyng.And with hys stafsling and a stone;he slue Golie that reprouyd al israel. and smote of his hede with his owne swerde.which thyng caused Jonathas kyng saulis son;to loue dauid as hys life.But enuye enmy euer to al godenes that ran in saulis hert.for the wy[m]men of israel sunge after Golieis hede was brought to ierusalem.saulis worth athowsand men.and dauid two thowsand.Euer after saul sought to sle dauid.And whan dauid harped afore hym;he wold haue bore hym thurgh with aspere ageyns awalle.¶ Dauid and his men smote two hundred men of the philisteis;and brought har prepuce to saul. wherfore saul gafe him Michol hys doughter to wife. Efte saul wold haue slayn dauid ne had Michol dauid is wife holpe hym.Dauid uoided and came to samuel in Pamatha.Saul lende men to sle hym there.whan thei came the p[ro]phecied and myght nat harme hym. The secunde and the thrid tyme saul sende men; and al p[ro]phecied. At the last sa ul came hym self.and he p[ro]phecied and and might nought harme. In a dai saul made afeest;and lokid after dauid and wold haue slayne hym ne had Jonathas saued hym by apriuy signe bitwixe ham two by shot of an arwe or two.for Jonathas louid dauid as hys owne sowle.and ma ny othes made bitwixe ham that neuer on shuld be untrue to oder.¶ Dauid went in to nobe to Achimelech the preest.and ete breed that was not laful to ete;but to preestis.and fro thens he went to Achis kyng of geth.and there bi came afole to saue hym self. Doech the cheef [?] of saul was with Achimelech whan dauid was there.and discouered it to saul.wherfor saul co[m]maunded Dohec to sle Achimelech the cheef preest of the lawe and al the preestis.¶ Dohec slu in o day;fourescore preestis and fiue.there a scaped none.saue Abiathar ason of Achimelech.and he ran to dauid and was with hym.Saul sought to

L okerin the first son of Brute was kyng after hys fader.he had to hys parte the londe fro humber to severne.and he rewled wel the londe and was welbeloued.¶ Alba nar the secunde son had to hys parte the cuntre be yond humber.and he cal led it albayne after hys name. and nowe it is cal led Scotlond.kamber the thrid son of Brute had the londe fro seuerne un to the occean see.and he named it kambir.and nowe it is called wales. M adan had two sones. that one was called Mem pris.and that oder Man lyn.These two strofe af ter har fadres deth for the londe.and than thei toke aday of acordement. but Mempris slue hys broder Manlyn.and af terward helde the londe hym self and was crow ned kyng.

M empris whan he had slayne hys broder and was kyng; he was atirand amonge hys peple.and become aledicrous man.and used the synne of sodom. wherfore god toke ven geaunce on hym.for in atyme whan he went in to awode to disporte hym; there come wilde wolves and rent hym al to peces. and so he died.

Salomon whan he had flayn Adonie. Ioab. and Semei. and after agreet sacrifice had receyuid wisedome of god. and also done aingement bitwixe tlbo wi[m]men for achild. By the help of hira kyng of Tyre: he began to make atempel of god. and in seuen yere and seuen monethis he an ende ther of. In the tenthe dai of the moneth of september he halved it. and made agreet place to hym self. [in roundel: Matha tha.] he rescued the queen of Saba wurtheli. and pas sed in wisedome al men that euer wer. // But al his faire life. knuuyng. and worthinesse: he defouled with loue of wi[m]men and ydolatri.

Ahia the p[ro]phet mette in the daies of salo mon sodenly in afeeld with Jeroboam. And god was greetly displesid with salomon. wherefore after the ordinaunce of god. the p[ro]phet Ahia that had anwe mantle upon hym: toke his mantel and cut it in to twe[n]t pecis and bade Ieroboam take ten pecis ther of seyng. the ten kynrades of israel shal thow haue and be har kyng after salomon id deth. and the son of salomon shal haue but o kynrad that is Iude. and the kynrad of beniamin. This was outred. wherefore Ieroboam for feer of salomon went pryneh albey in to egipt til after the deth of salomon. and than he came ageyn and was kyng of the ten tribz of israel.

[in roundel on the left: Achima-as. on the right: Men-na]

sle dauid.but god sauid dauid.an in aday he send saul in to dauidis handes.dauid cut awai the hem of saulis mantel whan he might haue slayn hym. and there thei wer acorded ageyn. ¶ After this whan Nabal of carmeli was deed; dauid weddid his wife Abigail.¶ It befel that efte saul sought to sle dauid.and while saul slept and Abner prince of hys werris and hys oder peple;dauid with Abisai fette the kyngis spere and acuppe that the kyng dranke of at hys hede.and than was there made anoder corde bitwixe ham two.¶ Dauid went to Achis kyng of geth and put hys wiues in sicheleg.and or da uid came to sicheleg ageyn; the Amalechites had brent the towne.and take with ham al the peple. Dauid pursued after.and slue al except foure hun dred.and restored home ageyn al his wiues.Ayung man came to dauid and told tidynges that al israel was [?].and he hym self had slayn saul for he myght not lyue.dauid anoon co[m]maunded hym to be slayn.and made greet sorwe for saul;but more for Jonathas. T hese ben the names of kynges that regned after salomon upon israel.that is upon ten trib[es].Jacobis twelue sones eueri of ham made a tribe.that is to saiyng akynrad.Jeroboam was the first that regned upon israel upon ten kynrades. there as Roboam salomons son regned but upon two kynrades.and so it last furthe to Hee kyng.under wham the ten trib[es] wer made thralle of salmanasar kyng of assirie.the which put ham beside the ryuer of gozam.beyunde the mountaynes of perse and mede as ye may see in his place benethe.

[in crowned roundels on left:] Ebran cus Brut[us] [xx]ride stutu[m]

E brank was astr^onge man. and thurgh helpe of god he co[n]quered fraunce. and whan that was doon he come home ageyn and made a city and called it Ebranc.but nowe it is called yorke. And he had twenty sones and thritti doughters bi dyuerse wymen. and thei afterwarde wer greet lordes and ladies in diuerse cuntreis.

Brute grenesheld was kyng after hys fader. but he abode with hys fader whan hys breder wer sent beyond the see. and he gouerned the londe worthely. and is buried at yorke.