Marston_MS_242

[In crowned blue circle: Riual lus.]

Ryualle was a yonge man and fortunate. he gouerned wel the londe. And in hys tyme it rayned blood thre dayes. and sone af ter there come agreet deth of men and beestis. and he died and lieth at yorke.

[In crowned red circle: Gurg[us] tus.]

Gurgucy was a meke man and curteis. and gouerned the londe in pece. and regned seuen yere. and is buried at yorke.

[In crowned blue circle: Sisil lius.]

Sisille was kyng after hys fader. and sone after that he had take the crowne he died.

Far left, top roundel (green line): Beymu[n]d[us]

Far left, second roundel (green line): frdega rius.

Far left, third roundel (green line): frigewyn[us]

Left, upper roundel (red line): Sadoch.

Left, second roundel (red line): Sellu[m].

Left, third roundel (red line): Helchi as.

Left, fourth roundel (red line): Azari as.

Left, fifth roundel (red line): Saraias

Right, top roundel: Eliezer.

Right, second roundel: Jhesu.

Right, third roundel: Her.

Right, fourth roundel: Helma dan

Roundels in text block (upper sequence): Left: Sopho nias Middle: Jere mias. Right: Olda.

Roundels in text block (second sequence): Left: Baruch Right: Vrias.

Roundels in text block (bottom): Ezechi el.

Ezechie the son of achaz kyng of Juda he opened the tempel and restored it. the preestis did har sacrifice. ¶ he drue downe the brasyn edder that moyses had raised. to whom the childer of israel vn to that tyme put encense. And after the blasfemie of senacherib and rapsaces that had nerehand destroied al Juda he receuid of god atokne of thre yere by ysai the p[ro]phet. and after that tyme whan senacherib came ageyn; god toke vengeaunce of hys peply by an aungel in a nyght of ninescore and fiue thousant. and har lord stale awai with ten men. Herefore ezechie thanked not god hertely. wherfore god smote hym with sikenesse. and wold not truste to the p[ro]phetis wurdes. but he had atokene. And the sunne turned ageyn in hevene the space of ten oures of a daie. ¶ After Merodach baladan kyng of babilon herd how ezechie was recouered of ^his sekenisse and sent hym by hys men greet giftes. and ezechie shewid ham al the priuitees of hys house. wherfore he was greetli reproued of ysai the p[ro]phet. and after died in pees and laft hys son Ma nasses kyng.

Manasses kyng of Juda destroied al that hys fader made that p[er]teyned to the wirshippe of god. He fulfilled the stre tes of Jerusalem with blood of p[ro]phetis. He sawed ysai the p[ro]phet atwo with a sawe of a tre. Al maner of cursednesse he vsed. and afore hys ende dide penaunce. gate mercy of god. and wrought many gode dedis. and made ablessid ende. ¶ Here se the greet merci and godenisse of god. He laft hys son Amon kyng.

Iosias kyng of Juda wrought al thynges wel. whan the preest helchie had foun de in the tempel the deutronomie the lawe as moyses gafe it; the kyng herd it radde by saphan the scribe. he rent hys clothes and made greet sorwe and said. lord god let never these curses come upon ous. He cut downe wodes. brend ydoles. destroied al maumetre in Juda and in goddis peple. brend baal is preestis bones. and the auters with the templis. and houses that salomon made for ydolatri. ¶ there was neuer no suche kyng after dauid as he was. and he^rfore he had an answere of god by Olda the p[ro]phetisse; that destruccion of the lond and of hys peple shuld not be in his daies. ¶ He made agreet pasche in ierusalem. ther was neuer kyng in Juda ne in israel that ony tyme made so greet offryng. ¶ In tho daies pharao nechao kyng of egipt came to fight with the kyng of assirie. and Josias went ageyns hym there as he had no nede. and whan he was praid to leue he wold not. wherfore archeris ful upon hym in ma geddo and there he was deed vounded and caried in to ierusalem and buried with the grettest sorwe of the peple that myght be. ¶ Jeremie the p[ro]phet was in hys daies and long after. The peple made Joachaz kyng of Juda after Josias hys fader.

Ezechiel the p[ro]phet in the sixe and twenti yere after the transmigracion p[ro]phecied beside the riuer of Chober. He p[ro]phecied to the kynrad of dan and gad. and seide thei shuld neuer come home ageyn. wherfore thei drue hym with hors ouer sherp rockes and stones and brayned hym. and he was buried in the feeld of maulim in the sepulcre of sem.

This page is not transcribed, please help transcribe this page

[In crowned red circle: Iago.]

Iago was kyng after hys fader. and with inne short ty me he died in the pestile[n]ce. In hys dayes Manasses was kyng in Iuda.

[In crowned blue circle: kinne mar[us]

Kimaroke was kung after hys fader. and whan he had regned fourtene yere he died.

[In crowned red circle: Gorbo dugo. In thin red circle: ferre ns.]

Gorbodius had two sones. that one men called ferrez. and that oder was named porrez. and whan he died he was bu ried at yorke.

[In crowned blus circle: porrex ]

Porrez slue hys owne boder that he might haue al the londe to hym self. and therfore hys moder slue hym whan he was in hys slepe. and the londe was deuyded i[n] to foure kynges.

[In crowned red circle: Dun wallo. In thin red circle: Breni us ]

Dunwalle was kyng of bretayne and gouerned the londe wel and made gode lawes and statutes. and he was the first kyng that ware acrowne of golde in thys londe. And whan he had regned fourti yere he died and lieth in newe troye.

[In crowned blue circle: Belin[us]

Belyn made foure rial waies i[n] this londe. He and hys broder had betwexe ham greet werris. and wer at de bate long tyme. but thei wer acorded at the in staure of har moder. and afterward thei made the romaynes tributaries to ham. Thys belyn made agate i[n] newe troye that is called belynesgate. and he is buried there.

[In crowned red circle: Gur gunt ]

[In circle red squared on the left: jose-dech.]

Sedechie that first was called Mathanie. he was an ydolatrer as oder afore. and as he went awai fro god: so went he awai fro the kyng of babilon to whom he was bownd by astrong othe. By many en sampel and many tymes he was warned by jeremie the p[ro]phet: and al was to hym nought worth. more sorwe than jeremie suffred under hym: might noman suffre and lyue. and yet spared he neuer to speke as god bade hym. ¶ In the beginnyng of the nithe yere of sedechi is sori regnyng nabugo donosor kyng of babilon besegid ierusale[m]. and at the instance of sedechie the kyng of egipt warrid upon the kyng of babilon in sirie. wherfore Nabugodonosor brake hys seege and defendid hym fro the kyng of egipt. and droof hym out of hys lond by slaughter of multitu de of peple. ¶ In the tenthe moneth the tenthe dai of the same yere came Nabugodo nosor and the prince of hys ost Nabuzardan and besegid ierusalem ageyn. and made wardes. bastiles. and wacches that no man might sta pe. The sege last eightene monethis almost two yere. but jeremie was euer in sorwe. the wurthi men of the citi thei seid utterli jere mie was false. for jeremie seide: he that yeldeth hym to the kyng of babilon his life shal be saue. and he that abideth in the citi shal be slayn with hunger and swerd. And jeremie seide also that sedechie shuld see the kyng of babilon with hys eyen and speke with hym mouthe to mouthe. and he shuld lede hym in to babilon with hym. And Ezechiel the p[ro]phet that was caried with je rhome in to babilon. he had write to hys bre der in ierusalem that sedechie shuld neuer se babilon. and al the peple knewe ezechiel for a p[ro]phet. Here jeremie seide the kyng shuld be lad in to babilon. and ezechiel seide he shuld neuer se babilon. and bothe wer true. for he was brought to babilon. but hys eyen wer pulled oute or he came there as ye shal here after. But jeremie the p[ro]phet honged in filthe of a goug un to the throte agreet part od thys tyme. ¶ Hunger and al sorwe was come to that citi so greet that wim[m]en beyng with child and delyuered by craft and sorwe and payne of childer nought half growen but of the lengthe of a hand. and

[In thin red circle on the left: Wini-gi[us]. In green squared circle on the right: Addi. In red squared circle on the right: Melchi In green squared circle on the right: Neri.]