ENPages
f. 172r
ou daucun homme lige en la presense dou roi ou dou baill qui sera en son leuc et demande ou fait demander a son counseill aucun des homes liges dou rei qui son yqui en precense la raison juge et cou mande ce enci a juger que cil sont tenus da ler en celui conceillyer au maius qu il saveront mais ce il aveneit que aucun de seaus ho mes liges que furent demandes a celuy con ceill deyssent quil niroient mie a celuy conceill ou lon les co mander de la dame veve ou de lorfenin ou de orfenine out de ce lui quequi est merme daage ou dacun autre chevalier a cui il est
tenus de conceillier la raison juge et cou mande ce enci a iuger que celui homme lige qui que il soit ou terrier ou fieve que neaut aleur au conseill ou l on le demandet det estre tan tost chasse de la com paignie as autres chevaliers et de la cite fors chace et deit aver perdu re pons de cort des chevaliers si qu il ni deit estre mais pris en garentie per dreit mais nul chevalier apeller par bataille et eschiet son fie et can qil tenet dou rei au mais a se la feme qui soit envie et selui fie mut par li sie deit aver son douaire si comme elle fu donnee et tous le meuble de lostel et est celui eschous de donner tel deit
f. 172v
au seignor con doit douner home desleaus car bien est esprovee cho se quil soit desleaus puis qil a nee conseil de dire verite a son essi ent aceluy ou a cele a cui il est tenus par son fei de conceillyer par drei et par l'assise, car il n i a nul des hommes liges quil ne soit te nus en la court de dounner conceill a bone fei a tous ceaus et a toutes celes qui conceill lor de manderont neys se la qurelle de celuy plait meysme ou lon li de mande conceill fust contre son pere et contre sa mere cil lavoit cil li doit il donner conceill le miaudre que il sauera et ce est droit et raison par lasi se de Jerusalem. Ici orres la raison et
le dreit con doit faire de seluy home lige qui mesfait uers son seignor et doi roi que mete main sur son home lige sans esgart de ses pers ce est des autres homes liges Sil avait per aucun ne auenture que aucun home lige ou au cune feme lige mes fait uers son seignor en aucune maniere la raison juge et commande ce enci ajuger que li rois n a nul poier de metre tant tost main sur son home lige par dreit se estre en batre le ne en faire li sele jus tice faire que li semble ra que faire dee por celuy mesfait ains dit et coumande la rai son que il det man der querre ses autres
f. 173r
homes liges tant com il en a ou quil en pout aver et lor det dire ou faire dire en la presence de celui ou de cele le mesfaire quil li a fait et ces home liges sont tant tost tenus par dreit de iuger celui ou cele selon le mesfait qu'il avera fait. Et ce gont se que se pers la veront iuge d'aver si peut bien coummander li rois ou la royne que tant tost en soit fai te la iustise se il veut. Mais cil avoit que li rois ou la royne ne le fist mie enci mais mist main sur home lige ou sur sa feme sans esgart de cort et li faisoit honte ou le batoit ou li faisoit coper au cun de ses membres
la raison si iuge que li rois fait tout pre mier tort et renee dieu por ce qui il mente sa fei per son home et se desleaute si que trop mes prent vers sa leautes dont il est tenus ver tous ses homes Car lassise et la lei de Jerusalem iuge et dit que autant doit li rois de fei a son home lige et a sa feme lige comme homme lige doit a luy et auci est tenus li rois de guarentir et de sauver et de deffendre ses homes liges ver toutes gens qui tort lor vorreent faire com se homes liges sont te nus a lui de guarent tir le et de sauver vers toutes gens e par ce ne peut il ie metre sa main sur son homme lige sans esgart
f. 173v
de ces pers. et ce est dreit et raison per la fife et per lus dou reau me de Jerusalem. Ici orres la raison de celui home lige que recommande son fie ason seigneur ou a sa dame an et iour
Bien saches que lome lige a bien tant de poier que ce il veus il peut bien venir avant devant son seigneur ou devant sa dame et li peut recomander son fie an et ior. mais bien saches que la rai son iuge et comande ce enci aiuger. que puis que lome lige a vera recomande son fie a son seigneour ou a sa dame il ne peut raver ni recovurer por nul besoign. ni per nule mesaise quiel en aie en ius que lan et
ior soit passes. quil le recoummanda. Et se il avenoit que de dens celui an et le ior quel ot reco mande son fie a son seignor et son seigneur morout. et laissa anfans qui sont heirs en leuc de lui. la raison iuge que lenfant qui est heir de la terre nest puis te nus de rendre le celui fie en iusques quiel soit daage. et saisi de tos ses dreis per tout son tenement. car ce est raison. Sil avient que ce lui ho me lige. qui recoumanda son fie morut de dens celui an. la raison iuge que li rois nest puis tenus de rendre celui fie que li fu recomande as anfans dou mort iusque que le
f. 174r
premier soit daage dou de servir. Et cil na nul anfans et le fie meut de part la dame elle ne peut recou vreit le dreit que aver y doit iusque lan et le jor soit passe. Et se le fie mut de part li maris la raison iu ge qu'elle ne peut a ver ses douaires ce elle y est douee chose motie ou joyr des biens si com elle det jusque le dit an et le jor soit passe que le fie si fu recomande. Et se tout ce nest avenu ains est vif celui qui le fie recou manda et li rois acuy il le recoumanda si iuge la raison que li rois est tenues de ren dre li son fie si tost com il li requera puis que lan et le jor sera
passes ou le repeut recomader arieres se il veut et aler la ou il vorra et ce est dreit et raison par lasise Ici orres la raison de la povrete dou roi ou de celui qui sera en son leuc qui na de quoi pai er ses homes liges ou ne les veut paier. Cil avient par aucune mau vaise annee ou par autre raison que li rois ou la rayne soit si povres de ces rentes qu il ne pais ses ho mes liges la raison iuge et comande ce en ci aiuger que les ho mes liges ont tant de poier et davantage qui pevent bien vendre tous leurs harneis pour leur vivre