Livre au Roi - BSB Cod.gall. 51

congé dou mareschau, et mon cheval chiet ou est ferus d'aucun bouhort, par quei il meurt ou se mahaigne ou refredit, après celuy bou hort, par malegarde et meurt, la raison juge que tout ce damage si est sur celui de cui fu le cheval et non mie sur le roi, par dreit et par l'assize.

Encement, se ma beste est en m'estable et mon sergent li a ataché si haut son chevestre, que quant ele se cuide couchier ou voutrer, le chevestre qui haut est l'estrangle et meurt, la raison juge que celuy damage si deit estre sur celuy de cui fu la beste et non mie sur le seignor, par dreit.

Encement, se ma bes te est en m'estable et mon sergent li ata che son trahinel si estreit ou si cort, que quant la beste cuide retraire son pié par force et il ne peut, et par ce se mahaigne ou brise la jambe ou la jointe, la raison juge que le damage est sur celuy de cui fu la beste et non mie sur le chief seignor, par dreit.

Encement, se ma beste se voutre en m'esta ble, et desoute lui i avoit par malegarde un pel, por lequel pel ma beste s est ma baignée ou sa trait

l'eull au voutrer desus dit, la raison juge que ce damage deit estre sur celuy de cui estoit la beste et non mie sur le chief seignor, par dreit. En toutes celes manieres que ma beste meurt ou se mahaigne par ma coulpe ou par la coulpe de ma mehnée, si est le damage sur mei, si que ne m'en doit li rois point rendre de restor par dreit ne par l'asise. Et por ce est tenus li mareschaus de porveyr le paiement des restors as bestes por sauver le dreit dou roi et de ces homes liges par dreit et sans tort l'un à l'autre.

Ici orrés la raison et le poer dou counestable dou reaume et de se qui apartient à son office, por le leuc quil tient de la counestablie dou reaume.

Bien sachés que li counestables est tenus d'oyr et d'entendre les clains et les tors que l'un chevaler fait à l'autre, se li rois nel veut oyr et n'est en la terre. Et par devant le counestable deivent estre jugiés et chastiés les mausfais as cheva lers, par dreit. Encement, si tost com li rois chevauche dehors en ost, bien sachés que la raison coumande que au counestable ataint de faire juger et amender tous les mausfais

qui se feront en l'ost et les murtres et larrecins, et tous deivent estre jugés devant luy qui que il soient ou chevalers ou borgeis, par dreit. Encement, bien sa chés que la raison co mande que toutes les devisions des casaus et des terres dou seignor et d'au truy et bailler et rendre et juger et partir, tout deit estre en l'office dou cou nestable, par dreit et par l'assise. Encement, si tost come li mareschaus a ordenées ses esche eles des gens dou reaume, la raison juge que i counesta bles est tenus de

porveyr toutes les eschielles et de a mender les sergens y a que amender, et deit metre cheve taine en chascune eschielle tel com bien li semblera que bien i soit en tel leuc; et puis deit il ordener seschiel de ses homes ou de seaus dou roiaume; et deit aver en s'es chiele autant de gens come avera en deus des autres esche elles. Et si deit aver la premiere pointe par dreit et par l'assise apres les turcoples; et li mareschaus deit a ver la derrainiere bataille devant li rois, se au roi plaist

qui la fasse.

Ici orres la raison que deit aver li ma reschaus el gaaing qui fait li rois en aucune chevauchee , c'il l'a fait et il y a guaaigne.

Bien saches que se li rois ou celuy qui sera en son leuc, vait en gaudane ou en fur te sur les hennemis de la crois , ce est sur Sarasins, et les desconfist par bataille ou par la volonté de nostre Seignor, quil s'enfu ient devant luy et l'osent ataindre,et il avient que il gaai gne bestiaill. la raison juge et couman de ce enci a juger que toutes les bestes vai res, si come sont beus et vaches et jumens et chevaus et chievres

et berbis et toutes autres manieres de bestes qui vaires sont, deivent estre dou mareschau et de son office, et toutes celes bestes meysmes qui sont ren dues a cort, qui sont vai res, por le restor, si devent estre dou ma reschau, par dreit et par l'assise.

Ici orres par quantes raisons peut li rois de seriter ses homes li ges, sans esgart de corte , se il font ver luy nules de ces choses qui sont si devisees. La premiere rai son si est, s il avient que aucun home lige lieve armes contre son seignor, si deit estre deserites tousjors. La segonde raison

si est, s'il avient que aucun home lige fait raison ^justise contre son seignor ou contre sa terre, si juge la raison quil det estre deserites a tous jors mais. La tierce raison si est, se aucun houme lige fait ou fait fai re fauce monee ou faus besans en son casau ou en sa maison, si ju ge la raison que il det estre deserites a tous jors mais. La carte raison si est, c'il avient que aucun home lige veut em poisouner son seignor ou sa moillier ou au cun de ses anfans si jugela raison qu'il det estre deserites a tousjors. La quinte raison si est, se aucun home

lige ou terrier ou ba ron dou reaume fai seit faire port en sa terre, de naves et de vaisseaus, et cheminer en paienime, por amen der sa terre et por amermer les droitu res dou roi, si juge la raison quil det estre deserites a tos jorsmais. La siste raison si est, se aucun home lige, qui que il fust ou terrier ou autre, faiset faire et la bourer et batre monee en sa terre, si juge la raison qu il det estre deserites a tousjors mais, por ce que nus hom ne deit aver port, ouvreneour ne monee labourant, fors li rois, par dreit ne par l'assize.